Euskara zerbitzuak

Berbaro Elkarteko langileok Durangoko Udaleko eta Durangoko Merinaldearen Amankomunazgoko euskara zerbitzuetan dihardugu lanean. Bi erakunde horietako Plan Estrategikoa –herrira begirakoa- eta Erabilera Plana –administrazio barrukoa- diseinatzea eta kudeatzea dira gure ardura nagusiak.

Plan Estrategikoari dagokionez, hainbat egitasmo garatzen ditugu ondorengo esparruak ardatz hartuta: familia bidezko transmisioa, irakaskuntza, euskalduntze eta alfabetatzea, arlo sozio-ekonomikoa, aisia eta kirola, kulturgintza, hedabideak, informazioaren eta komunikazioaren teknologiak eta sentsibilizazioa eta motibazioa.

Erabilera Planari dagokionez, berriz, honako ekintza hauek egiten ditugu: dinamizatu, langileak motibatu eta trebatu euskaraz lan egiteko, udalaren paisaia linguistikoa euskaldundu eta euskaraz lan egiteko baliabideak eta tresnak eskaini.